HIMBING

Kasabay sa pagpikit ng araw

Ang pag - idlip

Kasabay ng paghimlay ng silaw

Ang pagpikit.

Tinatanaw ang paligid

Sa musika ng mga himig.

Idinuduyan.

Inihehele.

Sa pagitan ng realidad at panaginip.

Ang lumatag sa kandungan

Upang maidlip

Ang mahimbing sa sinapupunan

Upang managinip.

Samsamin ang mga kahilingan

Sa mundo ng katotohanan

Sana na nasa;

Nasa sa sana.

Matagal pa bago sumapit ang umaga.

A BLACKOUT NIGHT CANDLE

I'm watching a candle

Burning it's blaze,

Soothe the moment

Of unwritten privileged.

It plowed,

And spread out it's light

Disturbing the perfect darkness of the night.

Time become meaningless

Suspended in mid - air

Strained at the leash

Of this unreal atmosphere.

Infinity glide around it's fire

Enfeebled by the passion

And yet continuous to confide

A wisp of wind tickle the flame

And tease the dark

With it's glowing fame.

Then i pass at the border

Of this eventful horizon

Across in flowing waves

At the edge's of my illusion

Leaving behind the subtle thread of filled spaces

Melted reluctantly into deep silence

Then i resigned

To a boring evening, alone.

PANGHIHINAYANG NG ISANG TORPE

Nilikha ka ng aking pagkabagot Umusbong mula sa imahinasyong malikot. Binigyang buhay. Pinagmasdan. Ipinako ang paningin sataglay mong sining At minsanang pinangarap na ika'y maging akin. Natigilan. Nag- iisip. Sinubukan kong lumapit Gamit ang pilit na tinig. Nautal. Naumid. Naging blanko sa 'yong kagandahan Tila nabulabog ang buong kapaligiran. Tulala. Tahimik. Pinatakas ang kaba sa aking dibdib. Pilit ibinuka ang tikom na bibig. Hangin. Walang himig. Hay naku! Kailan kaya mabubura ang pag - aalinlangan Sa mantsa Ng naghihiyawang sumbat sa sarili... Natgpuan ka sa gitna ng aking pag - iisa Gumambala sa aking pagkatulala.

Litanya

Kay sarap sanang pagmasdan
Ang bahaghari na dumudungaw
Mula sa likod ng nagbabantang ulan,
Nagtatampisaw sa lawak ng kalawakan.

Habang nakikipagniig sa himpapawid
Ang mga usok na nagmumula sa aking bibig
Pumapailanlang sa sahig ng langit
Tangay ang mithiing dinadampian ng pag - ibig.

Subalit;
Hindi na kinayanan pa ng ulap
Ang pagbulwak ng rumaragasang luha
Na kanina pa nya tangan - tangan
Sa kanyang naglalating sinapupunan

At habang pinapanood (a)ko
(A)ng (duma)daloy na / ng buhos ng ulan,
Na kung saan ang bawat patak
Ay nakikipaghabulan sa kapwa patak,
Nagmamartsa sa aking harapan.
Dumidilig sa naipunlang hilahil ng tanawin
Na kumikitil sa pag - iisa
Ng aninong nagmumukmok sa sulok.

Habang tinutugaygay ko
Ang balisbisan ng kahapon.
Kasabay ng pagpanaw ng mga alipato
Mula sa pulang sigarilyo (marlboro);
Inumpisahan kong bilangin
Ang patak ng ulan
Sa nagpuputik na kandungan ng lansangan.
At sa bawat sibat na bumubulusok pababa
Kumakalat sa kawalan,
Hatid ay ala - ala ng damdaming lumulutang
Inihehele ng ritmo ng takatak ng ulan
Mula sa bubungan.
Sa saliw ng konsyerto
Ng malamig na ihip ng hangin.

At ng tumila na ang maligalig na ulan
Tinatanaw ko ang pagsayaw ng mga dahon
Mula sa pagkalagas sa mga sanga
Hanggang sa pagpatak sa lupang hantungan
Upang mahimlay.

At kasabay sa muling pagsilip ng araw na pusikit
Ang pagtatagpo ng katotohanan at panaginip
At itinapon ko na ang upos nang pangungulila

http://cradledbyyourbetrayal.blogspot.com/